新澳車仔麵

紅磡，一個好熟悉既地方，見證左好多食店係呢度插旗，而且越嚟越多種類。車仔麵，以前係紅磡，只有一檔，但舖size太細，坐得唔舒服。早排發現呢度開左呢間車仔麵，舖入面好大好多位，一於入嚟試下啦。

都好多款野食揀，最後決定叫左「沙嗲牛肉，豆卜，蘿蔔，菜心，米粉，加腩汁」另外，飲品叫左樽裝ZERO可樂。

整體好味既，豆卜好正，靚貨，下次都會再叫，蘿蔔清甜（但唔知關唔關季節事），菜心份量好似少左D，沙嗲牛肉個沙嗲係帶點花生碎，但牛肉有根，味道可以的。湯底幾好。

食完都會想再嚟，因為都坐得舒服。