Odelice! (海之戀商場)

入到嚟荃灣，叫個朋友仔落嚟食嘢，喺海之戀都幾多選擇，近西鐵站出口，見呢間Odelice，裝修幾靚仔，好似幾有氣氛。好坐低，睇吓有咩好食先。法國生牛肉他他，手切金髮阿基塔牛脊肉，生牛肉好嫩，新鮮嘅粉紅色，加埋個脆脆包包，食落又唔覺得好生嘅感覺。香煎三文魚，燒茴香薯蓉，日曬蕃茄醬汁，三文魚煎完迫左啲油份岀黎，絲絲肉質帶少少油脂，個蕃茄醬汁比較稠，冇新鮮茄汁咁酸甜。香橙烤豬腩，羽衣甘藍，玉米糊，西梅醬汁，個豬皮好脆好正，豬腩肉半肥瘦，好有口感。火焰橙酒可麗餅，將藍火連酒灑落可麗餅，視覺一流，落到去酒精揮發，只帶輕微酒味和橙味。Tropical passion冇酒精Passion colada有酒精都係揀左passion fruit做底，個種酸酸甜甜，好清新好開胃嘅感覺。