影片
更多
2017-02-07
148 浏览
新年到，又是逗利是的時間了，難得舊同事約食飯，一齊聚聚，兼收利是。同事A一早訂左位，餐廳同另一間餐廳好似Share咁，入座要留意！我們三個人，一齊Share食個Pizza二人餐，餐湯揀左特濃南瓜粟米忌廉湯，好特別我，湯入面有豆的，感覺健康，而且仲有嚼勁！南瓜湯好甜，仲好滑，又夠濃味，餐湯已經咁吸引啦，前菜主菜仲得了？前菜可以揀兩個，我首先揀左帕爾馬火腿配蜜瓜，呢個前菜我最鍾意，帕爾馬火腿一般都會講風乾期，愈耐就愈好味，呢個風乾期應該也不短，因為充滿住好香的咸香味，顏色都比較淺，火腿薄切，蜜瓜亦清甜，佢地是最佳拍檔！另一個前菜我地揀左秘制香辣炸雞翼配香腸&西班牙薯蓉球，一睇個名就好想試佢個雞翼，因為秘制辣三個字XD雞翼有兩隻，食起上黎唔算辣，但係出色在於面頭既辣粉，吊起個味，令平平無奇既雞翼變得好滋味，薯蓉球好得意，是炸過的，外脆內軟，薯蓉軟林林既，仲有啲Creamy，不錯喎！和風蒜香白酒汁蜆肉意粉係我最欣賞的，蒜香味，白酒汁各司其職，味道參半，蒜香味幾重，另外白酒汁都好濃味，不是一般的白酒味，唔通係和風的白酒？因為帶點咸味，蜆肉粉量多，起碼每隻蜆都真係有肉先！意粉都有炒過，是企身，不是
我們三個人，一齊Share食個Pizza二人餐，餐湯揀左特濃南瓜粟米忌廉湯，好特別我，湯入面有豆的，感覺健康，而且仲有嚼勁！南瓜湯好甜，仲好滑，又夠濃味，餐湯已經咁吸引啦，前菜主菜仲得了？
前菜可以揀兩個，我首先揀左帕爾馬火腿配蜜瓜，呢個前菜我最鍾意，帕爾馬火腿一般都會講風乾期，愈耐就愈好味，呢個風乾期應該也不短，因為充滿住好香的咸香味，顏色都比較淺，火腿薄切，蜜瓜亦清甜，佢地是最佳拍檔！另一個前菜我地揀左秘制香辣炸雞翼配香腸&西班牙薯蓉球，一睇個名就好想試佢個雞翼，因為秘制辣三個字XD雞翼有兩隻，食起上黎唔算辣，但係出色在於面頭既辣粉，吊起個味，令平平無奇既雞翼變得好滋味，薯蓉球好得意，是炸過的，外脆內軟，薯蓉軟林林既，仲有啲Creamy，不錯喎！
和風蒜香白酒汁蜆肉意粉係我最欣賞的，蒜香味，白酒汁各司其職，味道參半，蒜香味幾重，另外白酒汁都好濃味，不是一般的白酒味，唔通係和風的白酒？因為帶點咸味，蜆肉粉量多，起碼每隻蜆都真係有肉先！意粉都有炒過，是企身，不是軟林林。Pizza也是主菜的一類，咁多款式，我地最後揀左千島醬雜錦海鮮薄餅，薄餅有8吋，可以一開四都夠晒，千島醬其實有啲似沙律醬，但比較入味，而且是橙色，Pizza是薄批，邊皮脆，有啲餅乾感覺，咬深啲就是Pizza啦，海鮮有魷魚仔，腸仔，菠蘿，最令人驚喜係有蝦肉，係大大隻既蝦肉！蝦肉嫩，其他配料都不過不失，Pizza中熱融左既芝士都好香口！
甜品搞搞新意思，西班牙式燉蛋雪糕，今晚是薑味的，嘩！一食個感覺好似澳門既薑汁燉蛋，燉蛋同雪糕溝埋左一齊，一口燉蛋一口雪糕，究竟是燉蛋是薑味還是雪糕是薑味呢？儘管如何，這個甜品都是出色的。埋單每人$120，抵食！
张贴
