大喜屋 (已結業)

刺身拼盤上得幾快幾齊估唔到個凍蟹幾鮮甜。炸蠔+榴連波+芝麻雞翼+燒牛舌燒羊架羊架同牛舌都燒得幾好，而且上時仲係熱辣辣。不過燒物要等幾耐下，搞到我差啲以為佢漏單，建議大家燒物要早啲落單。榴連波都真係幾重榴連味。喜歡榴連既人可以試試。好似叫避風塘炒蝦感覺新鮮好味過刺啲甜蝦同虎蝦。其實呢間啲熟食都幾好味。海鹽雪榚貴價個幾款雪榚每人只可以揀一樣。要小心！！！我揀左個海鹽雪榚，咸咸的雪榚幾特別，但又出奇地幾夾啲奶味。其他幾款任叫既甜品其實都唔錯。3.6牛奶布甸幾好味，細細地呢個份量其實我一個人可以食十碗，如果唔怕唔好意思的話。白色個兩粒係榴連糯米池。入面唔係榴連味既雪榚，而係好似真既榴連肉咁。同上面個炸榴連波一樣好香既榴連味。整體上算係幾多選擇，又幾好味，係坐得逼少少。