伴糖水 (已結業)

今日係佐敦食完飯之後散步返去紅磡搭車返屋企，行行下見到唔呢間小店，新開張好光猛，有位職員仲同我介紹佢地嘅招牌，小食就可以試下馬拉嘅咖央多士，甜品就介紹紅棗桂圓桃膠，話桃膠係自家製嘅同自家生磨合桃糊。我哋因為食飽左飯就淨係要左個職員介紹果兩個甜品。現場都有啲人等所以我都等左十分鐘先拎到。返到屋企就即刻開嚟食，紅棗桂圓桃膠好香好足料，紅棗好大粒，桃膠彈牙又好入味。另一個合桃糊就食得出係好用心機磨，入面無粉狀粒狀嘅，好純好滑，可以算係我心目中第一位👍🏻希望大家都可以嚟支持下呢間小店！