Mr Simms Olde Sweet Shoppe (已結業)

呢間糖果店係同事推薦，去到好似去咗英國舊街嘅地方！啡木招牌，店內放滿一樽樽色彩繽紛嘅糖果！小朋友嘅天堂，店員好nice咁話可以試食！我由得肥髀在店內逛！糖果種類少有！最後⋯⋯佢揀咗要磅嘅糖！中間店員會問下肥髀喜歡嘅糖，一路比意見，揀好就幫我們磅，再放入紙袋！Black wall jars($16)幾款色彩繽紛吹波糖，食咗西瓜，吹波糖比較實，吹嘅波堅韌啲！不過都幾快無晒味！Chocolate covered Nougat($38)試食之後買嘅，朱古力包鳥結糖，質感幾特別，朱古力濃香，粉紅色鳥結糖唔太甜，鬆鬆地泡泡咁！好得意！不過一大條要自己切碎，唔太方便！Black wall jars($15)店員介紹嘅，買咗雜錦味道，試食好似吹波糖口味嘅糖，細細粒好得意！店員有笑容有禮，對小朋友有耐心，對店內糖果熟悉！好有耐性介紹！特別嘅糖果體驗！