Tipsy Tap (已結業)

作為一個精釀啤酒迷就當然最鐘意去唔同地方發掘未飲過同有興趣試既 craft beer. 尖沙咀作為香港既中心鬧市又點可以無一間似樣既精釀啤酒吧？ 今日就即刻黎朝聖一下！20 個 tap 頭，本地同海外既品牌一應俱全，唔知自己鐘意咩style? 可以請店員推介同比你試左小小先決定，咁就唔怕叫左杯唔鐘意既style 啦。同朋友一人叫左一杯開心share, 丹麥既imp. stout 聞落已經非常吸引，充滿椰香味，飲落係朱古力、咖啡、椰子，係女仔都會好鐘意既 style.英國既ipa 就不過不失，聞同飲落都有豐富既熱帶水果味，但有小小人工既感覺來得未夠自然。野食方面最好味就係佢既招牌雞翼，帶辣既buffalo wings 點上藍芝士醬既配搭一流，飲啤酒必叫。安格斯肉眼扒都唔差，可惜有d overdone 過熟，但肉汁同肉香都好夠，食得出係靚扒黎既，呢個價錢絕對抵食。芝士蟹肉釀蘑菇就水準之作，都ok 唔錯既。