太興 (沙田廣場)

营业中

休息中

準備出發四日三夜墾丁之旅！集合於爸媽弟嘅指定早餐地點，太興。我成日覺得太興真係好貴，從來都無同過佢地一齊黎食早餐，今次係第一次，原來真係幾好食喎，貴都貴得有道理。去到大家都叫齊左野喇，睇一睇menu ，無乜特別野食，一般茶餐廳可以食到嘅，揀左k餐，有雪菜肉絲米粉，多士併德國香草腸多士都幾香脆，新鮮烘嘅，德國腸有啲多此一舉，想特別但係有 d 唔夾，德國腸個皮睇落好脆但咬落去嗰下無＂卜＂ 一聲，而且腸仔較淋身，個皮韌韌地咬唔開，食早餐始終係普通雞肉腸配襯 d雪菜肉絲有水準，唔係一般得個咸字，湯好濃味，雪菜肉絲份量唔多但味道很不錯，有 d 椒絲撈埋更加香，最正係 d 米粉，透透地明好好趙，但又唔會過硬，仲好索湯，可能係我食過最好食嘅雪菜肉絲米粉最後讚一讚餐飲有得柚子蜜，好夠味，呢類開水飲品太甜都唔怕，可以再加熱水自行調味，又有得飲大杯 d=]## $29 比起茶記係貴左d，不過呢度環境衛生食物質素...無疑係較一般茶記及附近快餐店優勝得多，睇黎我明白點解爸媽弟咁鍾意食太興早餐喇。