茶墨 (已結業)

食完晏去行街，經過The One入去兜下，茶墨兩個大字高高掛著，典雅的中國風輕輕現出。這裡賣珍珠奶茶類台式飲品，組合非常創意，又多選擇，仲有日式糕點，坐在舒適的座位上慢慢歎住杯茶，食下蛋糕🎂，偷得浮生半日閒，一樂也。😘😘研究一大輪，選擇困難症的人終於決定要麻薯芋圓茉莉鮮奶綠茶，少甜兼走冰，另一杯要牛奶麻薯抹茶鮮奶凍，正常甜及走冰。然後又要多件榛子朱古力蛋糕，怕大杯飲唔曬，選擇了外賣，職員好認真幫我們包好飲品和蛋糕。麻薯茉莉花芋泥奶綠個個幾有特色， 飲嘅時候有淡淡嘅茉莉花味， 令成杯野唔會太漏 ，麻薯好有嚼勁 ，並且飽肚 ，同埋加入麻薯好有特色， 因為普遍其他店都唔會有， 少甜令成杯野甜度適中 ， 飲品嘅外型都好似有墨水劃過， 頗有特色。抹茶不澀也不太甜，麻糬超有咬口，非常正宗。茉莉花茶很香，與麻糬是完美配搭，真享受。