影片
更多
2021-04-25
202 浏览
今晚同致愛兩人去食25道菜嘅omakase ，這裡位置方便一出升降機全層都係餐廳，一排吧枱位置，見到師傅好忙碌為食客準備食材，還會介紹食物，真係邊吃邊長知識！餐牌內只有一個25品嘅omakase set，當然就係食這個啦，落單後就係第1款菜式是超多汁及醒胃鮮甜嘅日本蕃茄，真係夠晒香甜多汁！第2道是富山灣來嘅螢光魷魚，細細隻，口感嫩滑鮮味，加埋浸過醬油，入口味道濃郁！第3道就係水雲，在水雲上放了鮮甜松葉蟹肉，加上帶酸嘅醋汁，清涼可口，入口細滑如絲，十分醒胃！第4道就係火炙元貝，元貝上塗上了醬油後用火炙一下，再配上一片香脆紫菜卷住入口，絕對有雙重口感，同埋元貝肉質夠晒鮮味！第5道係鱆紅魚包住馬糞海膽，本身肉質爽口鮮味嘅鱆紅魚肉加上味道濃郁咁甜，回甘強美道極鮮嘅馬糞海膽，真係令人十分回味！第6道池魚，本身池魚肉質緊實爽口，味道鮮甜，配上蔥粒，加埋個柚子醋一齊入口，感覺份外清新！第7道白貝，師傅用鹽燒白貝，燒得剛剛好，將白貝嘅肉汁鎖住，入口個種獨特甜味同細緻嘅口感真係令人回味！雖然用上了鹽燒，但一啲都唔會覺得咸，味道反而更鮮！第8道赤貝壽司，色澤亮麗，肉裡又軟又嫩，口感外層爽脆，由師傅純熟嘅手
餐牌內只有一個25品嘅omakase set，當然就係食這個啦，落單後就係第1款菜式是超多汁及醒胃鮮甜嘅日本蕃茄，真係夠晒香甜多汁！
第2道是富山灣來嘅螢光魷魚，細細隻，口感嫩滑鮮味，加埋浸過醬油，入口味道濃郁！
第3道就係水雲，在水雲上放了鮮甜松葉蟹肉，加上帶酸嘅醋汁，清涼可口，入口細滑如絲，十分醒胃！
第4道就係火炙元貝，元貝上塗上了醬油後用火炙一下，再配上一片香脆紫菜卷住入口，絕對有雙重口感，同埋元貝肉質夠晒鮮味！
第5道係鱆紅魚包住馬糞海膽，本身肉質爽口鮮味嘅鱆紅魚肉加上味道濃郁咁甜，回甘強美道極鮮嘅馬糞海膽，真係令人十分回味！
第6道池魚，本身池魚肉質緊實爽口，味道鮮甜，配上蔥粒，加埋個柚子醋一齊入口，感覺份外清新！
第7道白貝，師傅用鹽燒白貝，燒得剛剛好，將白貝嘅肉汁鎖住，入口個種獨特甜味同細緻嘅口感真係令人回味！雖然用上了鹽燒，但一啲都唔會覺得咸，味道反而更鮮！
第8道赤貝壽司，色澤亮麗，肉裡又軟又嫩，口感外層爽脆，由師傅純熟嘅手藝製作，感覺特別新鮮！
第9道地金目鯛壽司，地金目鯛肉質細緻肥美，魚肉呈淡淡嘅櫻花粉紅色，魚肉鮮甜嫩滑！火炙後油脂更香濃！
第10道真名鰹壽司，魚鮨豐富，入口十分有口感，肉質富有彈力！
第11道華蓮蠔，這款蠔層次豐富，口感比一般平時食開嘅生蠔獨特，入口時有如絲絨嘅細密感覺，雖然體型細小，但肉質充滿彈性而且鮮甜，這款有日本一殊榮嘅蠔真係一定要試！
第12道鮮腐皮伴海膽，鮮腐皮入口嫩滑，加埋入口鮮甜嘅海膽味道十分配合！
第13道牡丹蝦刺身，師傅將大大隻牡丹蝦去殼，並將蝦膏取出放在彈牙爽口嘅蝦肉上，入口十分鮮味還有濃郁嘅蝦膏味！
第14道鮫鰈魚壽司，鮫鰈魚魚油豐盈，肉質嫩滑之餘都好有彈力，壽司上還放了鮫鰈魚肝醬，令入口味道更加濃郁豐富！
第15道鰆魚壽司，本身肉質柔軟肥美，經師傅火炙後，油脂更香濃入口味道更出。
第16道富山灣白蝦壽司，白蝦蝦肉味道甘味加上入口有細而綿嘅質感加上少少嘅柚子果皮，入口十分清新！
第17道白見貝刺身，是用象拔蚌新鮮切片出來，入口煙韌爽甜！
第18道熟成油甘魚刺身，上面放了松露醬作點綴，入口時肉質甘甜，口感油滑幼細，魚味濃郁，加埋香濃嘅松露醬，味道配合！
第19道香魚，上枱時原整一條放在碟上，炸得十分金香，可以原全食用，食到中間位置會有回甘嘅感覺！
第20道磯煮鮑魚，本身已經似肉質柔嫩口感鮮甜嘅磯煮鮑魚上還塗滿了香濃嘅蟹膏，入口時先感受到外面香濃鮮味嘅蟹膏，再加埋本身鮑魚肉質嘅味道，真係十分滿足！
第21道火炙穴子，穴子上加上醬油再火炙，配埋脆身紫菜卷住入口，外脆內軟，因用上了香脆紫菜穴子本身嘅油脂不會沾到手上！
第22道中拖羅，充滿脂肪比例較高，入口非常甘香嘅中拖羅，放進口中，油脂在口中滲出來嘅感覺真係十分滿足！
第23道紫菜天婦羅包住了海膽，紫菜先漫了天婦羅醬炸得定形再加上鮮甜嘅海膽，外脆內軟，一凍一熱，雙重口感！
第24道天婦羅士多啤梨，用上薄薄嘅炸漿將香甜大粒嘅士多啤梨炸得外脆內裡充滿肉汁，咬下去時肉汁在口中爆開，作為尾聲都係唔錯嘅組合！
最後一道玉子燒，自家製嘅甜品，入口蛋味濃郁，但又唔有太膩嘅感覺！
以為已經食完，最後還有麵豉湯，暖一暖過胃，還有雪葩夾餅！
節奏剛好，師傅會按客人速度調節，十分滿意今晚嘅食物質素同埋師傅熱心講解，加埋店員嘅服務！下次又可以再來看看有沒有新食材出現！
张贴
