Cubus 28 (已易手) 新餐厅

今日約咗舊同學食飯，一早就打咗電話黎呢一間餐廳book位，有少少期待因為朋友推介，佢話呢間餐廳啲嘢食幾特別，其他餐廳冇咁話喎，今日就試試佢！一上到去嘩左一聲！冇諗到個景咁好！侍應俾左個餐牌我哋睇先，見到啲餸菜個款式名都好特別，即刻覺得好肚餓呀！第一道餸係手撕鵪鶉配海膽汁海蜇，手撕雞就食得多，首先鵪鶉真係未食過，原來個味係濃過雞味好多！仲有個海膽汁海蜇，冇諗過可以咁match！之後上嘅係阿拉斯加蟹肉配南瓜湯，食落去蟹味好濃，個底仲有驚喜，原來係有蛋白墊底！我哋叫咗兩個點心，第一個三文魚子鳳眼餃，口感唔錯，三文魚子都好新鮮。第二道係係蟹玉米卷配蟹黃醬，侍應係我地面前將蟹黃醬同鵪鶉蛋攪勻，配埋米卷好有風味！主菜終於登場，第一道係黑松露鮑汁米形粉，食落去質地好得意好滑，侍應仲教我地撈埋頭先個蟹黃醬一齊食，好有海鮮味！另外一道係安格斯牛肉炒河，牛肉好鮮嫩河粉都好入味！餐廳真係好值得推薦，如果有啲咩宴會嚟我相信都係會帶比你好難忘嘅回憶！