Ulyssa by Aldou (已結業)

朋友介紹話呢間啲西餐好得，雖然喺荔枝角不過佢讚到咁好，所以就嚟試下啦！ 今日同老公兩個人去，一入到去果然好有feel、好浪漫嘅情調，啲裝修都好清新，好乾淨嘅感覺。我哋叫咗個二人餐個套餐，好豐富，有頭盤、有湯、有主菜同飲品。先黎個頭盤牛油果沙律，果然值得一讚，個沙律好靚，味道仲好清新，醬汁不會太多，牛油果同蔬菜都非常新鮮，最值得一讚嘅係好靚，連沙律都做到咁靚，相信其他嘢都唔會太差。跟住兩個餐湯，野菌忌廉湯，啲湯用料都好充足，飲得出沒有味精。主菜出場啦！我哋叫咗慢煮豬鞍，啲豬鞍好淋，啲配菜都配搭得很好。最後我哋仲叫咗果汁，呢個果汁係用新鮮果榨成嘅，冇額外加錢都好抵飲。