agnès b. Café LPG

嗰日行開IFC經過呢間Cafe，見到櫥窗入邊嘅蛋糕好似幾吸引，適逢屋企人生日就諗住買個細細地嘅返去試吓！ 佢款式都幾多，門市即買就得細細個四吋嘅size，其他啲款或者size可以預訂！比呢個蛋糕嘅朱古力面吸引左就買返去試吓！

1

朱古力伯爵茶蛋糕

$250

呢個四吋嘅朱古力伯爵茶蛋糕，面係一層朱古力醬唔會好甜，朱古力味幾濃！至於入邊嘅蛋糕方面，可以食到粒粒嘅伯爵茶茶葉，仲有一層伯爵茶cream，食落嘅味道都好夾！最欣賞係佢嘅蛋糕唔會太甜，好多地方嘅朱古力蛋糕都會整到好甜，佢嘅朱古力甜都唔會太高，食完都唔會覺得好膩！😍 而且細細個，食飽飯再食都唔會食唔晒，我哋六個人分，每人份量都覺得啱啱好！