影片
营业时间
今日营业
11:00 - 20:30
星期一至日
11:00 - 20:30
以上资料只供参考，请与餐厅确认详情
相关文章
早前晌网上换咗张Agnes B. Cafe嘅蛋糕套餐券，趁呢日早放，所以，偷得浮生半日闲，嚟到IFC店叹个下午茶。谂住闲日，又喺晏昼，以为会唔多人，嚟到先发觉估唔到都有8成满。虽然人唔少，但每枱人唔多，感觉都唔会太逼。睇啲客人嘅衣著，感觉都喺中高产嘅，所以，你话香港经济点样唔好，但现实又未必一样。基层有基层嘅世界，中高层有中高层嘅世界。讲番个套餐券，喺自选一款蛋糕（$56以下）及任何一款饮品。所有蛋糕款式就放晒晌铺前嘅冻柜，款式都多，而$56呢个价钱嘅蛋糕亦有非常多选择。法式柠檬挞+热鲜奶咖啡柠檬挞面唧上蛋白再烧一烧，令到卖相非常标致，入口口感轻盈清怡，挞壳内嘅柠檬馅心非常软滑，柠檬嘅香味酸香清新，整具清爽感，而挞壳做得够薄，脆口并富牛油香气，整体喺甚具质素嘅一件法式甜点。鲜奶咖啡向来喺小弟至爱，虽然拉花就唔喺好睇得出喺乜，不过，冲泡嘅手势算唔错，入口口感绵密且颇均匀，完全唔使搅，每口都好一致，咖啡嘅香味亦够醇和。轻轻松松叹完个下午茶，趁天气清爽，再行行海滨。
继续阅读
话说星期日在中环8号码东方之珠号做完嘢 企足一日 同啲同学仔谂住揾个地方座下放松一下 走到IFC 路过agnes B 见到入面有位 便入去座下 买了冻latte 同三文鱼沙牛油果律 慰劳一下自己 阿sir点了一杯冻朱古力 佢话agnes B嘅朱古力奶系最好饮嘅 不过我冇叫 因为我只钟意饮咖啡 我不大识咖啡 只系钟意咖啡嘅苦苦涩涩嘅味道 agnes B嘅咖啡味道吾错 latte 嘅奶味浓郁丝滑 系我钟意嘅味道 沙律菜新鲜嫩口 我觉得三文鱼同牛油果的口感好相似 所以我都好钟意食三文鱼同牛油果😋 cafe内人不多 都座得舒服 我地hea左大约一个钟就散 其实呢间agnes B 都好适合hea下 因为人真系唔太多 唔会好嘈杂 三五知己 吹吓水 唔错嘅选择
继续阅读
<Hazel🍫: Chocolate Cake> 💲56香浓朱古力蛋糕 入口即溶 甜而不腻😋<Valentine☕️: Dual Chocolate Coffee Ganache Cake> 💲56双重朱古力咖啡甘纳许 层次丰富 咖啡香气十足 好正<Nina🍁:Earl Grey Chocolate Mousse Cake> 💲56伯爵茶朱古力慕斯 茶香与朱古力完美结合<Carla🥭 : Mango & Vanilla Mousse Cake> 💲56芒果云呢拿慕斯 清新果香 适合唔钟意食太甜嘅人<Valerie 🌰: Chestnut Mousse Cake> 💲56栗子慕斯蛋糕 栗香浓郁 口感绵密<Ophelie🍋: Lemon Tart> 💲56柠檬挞 酸甜平衡 挞皮香脆<Fleur 🍓:Strawberry & Mascarpone Mousse Cake> 💲56士多啤梨马斯卡彭慕斯 甜而不腻 钟意士多啤梨嘅会好开心<Opera au Sesame 🍵: Sesame & Hojicha Cake> 💲56芝麻焙茶蛋糕 都唔错 芝麻几香浓 同焙茶几夹
继续阅读
睇五月天前医医肚，因为时间不多，喺ifc 要快食、环境ok,有包有甜品，各取所需？行行下就去左agnes b 啦。仲巧合甜品有五月优惠，买二送一🤗🥖法式牛肉包个包比想像中好食，焗热后外脆内软，而且几烟韧，不错。牛肉同其他配料就比较少，有啲失色。🍰草莓雪芳蛋糕这款蛋糕几乎系黎亲agnes b都系必食，蛋糕湿润滑溜，唔太甜嘅，有返左家乡🇯🇵嘅感觉😂🍫伯爵茶朱古力蛋糕一切开放入口就充满伯爵茶味，劲香！朱古力都浓郁嘅。难得嘅系朱古力冇盖过伯爵茶味，几好食。🌹稀少糖开心果蛋糕玫瑰形，仲要粉红色嘅蛋糕，实在令人心心眼。😍稀少糖比较健康，仲有现在大热嘅开心果，所有元素集合埋一齐，叫人点抗拒。😂其实整体都好食嘅，但系坊间受欢迎小店嘅开心果甜品好浓郁，比较之下一款蛋糕就相形见绌了。☕️ CappuccinoCappuccino坦白讲就真系普通啦，咖啡唔香，啡底亦唔出。呢个价钱，仲要以Cafe嚟讲，系唔合格。
继续阅读
好友约在中环午餐，到处都要排队，唯有这里不用，想快些坐低食野倾计，也不计较地方挤迫和要自己啰餐。看看餐牌都可以选到想吃的东西，我们拣了大虾蕃茄意粉和比目鱼沙律，再点两杯咖啡少奶，就坐低慢慢等，人多关系都需要等一段时间，幸好我们不著急， 只求有地方落脚倾计，当显示牌著登时就要自己去 摞餐，张台好细好细，差不多放不下我们点的食物 ，幸好我们两个都很苗条，位置可以转身。🤪两个主菜都算好味，大虾新鲜茄汁够多，都有新鲜蕃茄，煎比目鱼就比较细份，好似唔够饱， 两杯咖啡都好饮，同样都是份量偏少。餐厅的餐台很接近，左右隔离的说话都听清楚，所以要扮斯文讲野要细细声。食完主菜饮完咖啡，好似得半饱，所以又要叫甜品，一个蛋白柠檬挞，一个芒果奶油蛋糕 ，两个买相都超靓，食落又超正，不枉我们一场来到。柠檬挞酸甜适中，蛋白滑溜香甜，芒果奶油蛋糕软糯温润，似布甸多啲 。 食到3点人客依然很多，可见这里好受欢迎，可能是价钱在 IFC 算便宜的。
继续阅读