影片
更多
2022-09-07
687 浏览
在香港用藝術嚟做生意，仲要做得風生水起嘅，非新世界集團嘅鄭生莫屬，佢旗下商場嘅店鋪同餐廳一向充滿新奇創意，而位於K11 art mall嘅哩間ATUM餐廳更以藝術為出發點，著重“美”與“味”嘅交融，一早就已經bookmark咗。話說7-8月忙到七彩，踏入9月，終於可以請一日假盡情me time，於是約埋閨蜜嚟探一探ATUM嘅藝術氣息～同藝術有關，以為價格會堅離地？哩個下午茶連加一500蚊有找，去開high tea嘅JM應該都知道絕對系合理價～蟹肉 • 甜菜頭 • 紫薯沙律($126)蟹肉和甜菜頭混一起，靠甜菜頭本身的清甜帶出蟹肉的鮮美，無需另加調料已經盡顯食材本身的特質。紫薯做成薄脆片，覆蓋清新嘅沙律，入口輕盈，再用鮮花點綴，作為前菜好合適！二人份下午茶($438)用瓷盤盛載，二十幾件甜點一字排開，上枱時有D震撼。下午茶嘛，絕對要夠靚，吾需要以size取勝。哩度嘅甜點就精緻的骰，一口一件剛剛好。甜鹹點分量均勻，五彩繽紛，邊個角度影都好靚。味道方面好著重食材本身的原味，酸甜鹹鮮，每一口都有各自特色。食到一半望下隔離枱，同我哋個set有D吾同喎，原來有D甜點真係隨機架，下次再來都吾怕冇驚喜
同藝術有關，以為價格會堅離地？哩個下午茶連加一500蚊有找，去開high tea嘅JM應該都知道絕對系合理價～
蟹肉 • 甜菜頭 • 紫薯沙律($126)
蟹肉和甜菜頭混一起，靠甜菜頭本身的清甜帶出蟹肉的鮮美，無需另加調料已經盡顯食材本身的特質。紫薯做成薄脆片，覆蓋清新嘅沙律，入口輕盈，再用鮮花點綴，作為前菜好合適！
二人份下午茶($438)
用瓷盤盛載，二十幾件甜點一字排開，上枱時有D震撼。下午茶嘛，絕對要夠靚，吾需要以size取勝。哩度嘅甜點就精緻的骰，一口一件剛剛好。甜鹹點分量均勻，五彩繽紛，邊個角度影都好靚。味道方面好著重食材本身的原味，酸甜鹹鮮，每一口都有各自特色。食到一半望下隔離枱，同我哋個set有D吾同喎，原來有D甜點真係隨機架，下次再來都吾怕冇驚喜！
司康(隨下午茶奉送)
食下午茶點可以冇scone，cream同jam分量慷慨，啖啖都系滿滿嘅cream，超滿足！
玫瑰汽酒(+$68)
下午茶本身跟咖啡或茶，朋友就揀咗養生嘅玫瑰蕎麥茶，而我就upgrade做玫瑰汽酒，酒精含量低，顏色粉嫩，岩女仔飲～
小確幸：今日竟然幸運坐到傳說中最靚嘅窗邊角位，不僅有充足嘅自然光，還有斑駁的樹影，陽光透過樹葉灑下來，仿似坐在空中花園，將鮮花青草融入食物中一樣，別有一番滋味～中意嘅JM記得book咗位先嚟喇～
张贴
