影片
更多
2022-07-09
183 浏览
有咩Chill得過同親朋一齊嘆返個精緻嘅下午茶，咁先係完美嘅假期㗎嘛！最近我就品嚐咗Da Filippo Trattoria最新推出嘅Tea set，名乎其實嘅Tea set所有嘢食都以茶入饌，啱曬我呢個茶控🤣✨• Da Napoli-Tea $358鹹甜點各有三款。賣相精緻嘅伯爵茶提拉米蘇杯每一啖都品嘗到伯爵茶香。玫瑰花荔枝慕絲蛋糕味道唔會太假，荔枝同玫瑰味非常合襯。宇治抹茶雪糕泡芙雖然口感一般，但勝在茶味香濃帶回甘。呢度嘅所有甜品都唔會太甜，好啱我呢啲老人家🥹至於鹹點就不得不提最有創意嘅柚子醬巴馬火腿蜜瓜酥，將蜜瓜果蓉做成一粒粒魚子醬搭配巴馬火腿，配搭經典得嚟又有新鮮感。魚子醬蟹肉沙律軟包鹹香十足，蟹肉同魚子醬毫不吝嗇，包身加入咗紅茶茶葉。粉紅色嘅洛神花三文魚迷你漢堡味道亦唔錯☺️• 牛肉他他 $198可以搭配五種配料一齊品嘗，但生肉味比較強烈，未必人人都啱😗• 經典龍蝦扁意粉 $308手工製意粉形狀有啲特別，兩側捲曲成波浪形，比一般扁意粉更加掛汁，口感亦做到Al dente，煙韌有咬口！龍蝦醬汁非常香濃，鮮味重而不腥，感覺真係熬煮咗好耐濃縮而成嘅精華，係城中數一數二嘅龍蝦意粉✨•
• Da Napoli-Tea $358
鹹甜點各有三款。賣相精緻嘅伯爵茶提拉米蘇杯每一啖都品嘗到伯爵茶香。玫瑰花荔枝慕絲蛋糕味道唔會太假，荔枝同玫瑰味非常合襯。宇治抹茶雪糕泡芙雖然口感一般，但勝在茶味香濃帶回甘。呢度嘅所有甜品都唔會太甜，好啱我呢啲老人家🥹
至於鹹點就不得不提最有創意嘅柚子醬巴馬火腿蜜瓜酥，將蜜瓜果蓉做成一粒粒魚子醬搭配巴馬火腿，配搭經典得嚟又有新鮮感。魚子醬蟹肉沙律軟包鹹香十足，蟹肉同魚子醬毫不吝嗇，包身加入咗紅茶茶葉。粉紅色嘅洛神花三文魚迷你漢堡味道亦唔錯☺️
• 牛肉他他 $198
可以搭配五種配料一齊品嘗，但生肉味比較強烈，未必人人都啱😗
• 經典龍蝦扁意粉 $308
手工製意粉形狀有啲特別，兩側捲曲成波浪形，比一般扁意粉更加掛汁，口感亦做到Al dente，煙韌有咬口！龍蝦醬汁非常香濃，鮮味重而不腥，感覺真係熬煮咗好耐濃縮而成嘅精華，係城中數一數二嘅龍蝦意粉✨
• 惹味經典油封鴨腿配無花果及辣根芥末醬 $278
一切開已經感受到肉質嘅柔嫩，入口散發油潤感，十分香口！配上酸甜無花果醬汁冇咁油膩之餘仲幾開胃💕
• Summertime Magic $78
芒果蓉加上乳酪、荔枝糖漿同青檸調製嘅mocktail，全部都係我鐘意嘅元素，邊有可能會唔鐘意🫶🏻
• From Miles Away $78
呢杯就用咗百香果、雲尼拿、青檸同菠蘿汁調製，飲落會酸少少，幾清新嘅感覺🌿
张贴
