貴德宮私房素宴

营业中

休息中

朋友今日想食素，帶路去灣仔克街貴德宮私房菜，店內裝修以中式設計為主，有屏風隔開每張枱感覺舒服。臨近中秋🥮，廚師菜單轉咗九月迎中秋菜單，同中秋節有關菜式，八餸一湯加甜品糖水非常豐富🥦。三文魚千色拼盤，素三文魚、蕃茄、皮蛋、酸薑、雲耳、青瓜絲🥒、涼皮、柚子，加入芝麻醬好清新美味。紫芋松露月🥮，即焗脆皮嘅月餅，芋蓉同松露味道好夾，又香又滑。芝香磨菇批🍄‍🟫，滿滿嘅芝士同磨菇結合，咸香咸香。姬松茸養生湯，有姬松茸，老黃瓜、紅蘿蔔加入赤小豆眉豆等食材令湯清甜滋潤更濃郁。荷塘月色花錦繡，甜豆、蓮藕、菇菌、素炸魚伴飯一流。🫛椰香咖哩素雜錦，有蕃茄仔、豆卜、素肉丸、素魚蛋，微辣咖哩香非常惹味。🍡 石榴桃粒果凍，分上下兩層，石榴、桃粒製成，晶瑩剔透，清新清涼清甜彈牙。🍮鮮磨合桃露，唔會太甜，好香好滑合桃味道。所有菜式都好精緻特別，展現廚師嘅心機同廚藝，侍應服務細心有禮，朋友介紹呢餐非常滿意滿足。