ICHU (已結業)

初嚐秘魯菜，究竟秘魯係食咩既呢？去呢間餐廳前都一頭霧水。餐廳座落於中環好方便既位置，入到去氣氛唔錯，但可惜d檯放得比較迫。菜式賣相好精美，餐具同碗碟絕對係一大賣點，石頭整成既碗、將肉放上熾熱既石春等，提升咗成個進食experience。食物既味道幾有層次，係由唔同食材配合出嚟。肉類不過不失，調味調得好，但食材如果可以更加新鮮，就可以提升味道。唯一美中不足係佢既服務，雖然侍應都算attentive，但餐廳俾人一種「太計較」既感覺。position自己為高級餐廳，最忌就係催客人走。每次一食完一到菜就馬上有人嚟收碟，或者未食完就因為用餐時間滿咗趕客人走，都係令餐廳減分既地方，希望餐廳可以注意翻。