喜多嬉牡蠣屋 (已結業)

呢間位於中環LLTower既日式餐廳提供120分鐘特選生蠔放題，主打有日式時令懷石八品、生蠔、焗蠔、串燒、小食、無酒精飲品無限供應，每位更有海鮮湯、茶漬飯或烏冬及甜品一份，真正大滿足👍🏻🥣時令海鮮湯：蜆肉及蝦等材料熬製，湯盛在茶壺內，斟在小杯飲，細細品嚐更鮮味🙌🏻🍴喜多嬉時令懷石八品：一上枱已非常吸睛，侍應提醒進食次序要由淡味去到濃味。其中印象深刻係明太子芝士薯蓉，明太子鮮味同芝士十分配合；而牛油果醬拌吞拿魚蓉感覺清新，有開胃感覺🦪生蠔：由北木島直送，非常新鮮，生蠔肉質爽滑，有6款味道：原味、柚子啫喱、辣椒蘿蔔蓉、蔥花、昆布漬及雞尾酒汁，我最鍾意係柚子啫喱同埋原味，更突顯到生蠔鮮味👅🦪焗蠔：有6款味道：清酒煮、蒜味、辣蒜味、麻辣、芝士及冬陰公味。最鍾意清酒煮，唔會蓋過生蠔本身嘅鮮味，酒精揮發後亦增添淡淡香味🍢串燒：非常欣賞雞胗爽口、雞腿肉嫩滑，翠玉瓜、蕃薯仔燒得亦保留水份，水準之作🍘炸物及小食：雞翼及炸蠔炸得美味，枝豆亦送酒一流👍🏻🍰甜品：是日柚子芝士蛋糕，質地滑溜，芝士味濃，仲有陣陣柚子清香，食飽咗都食得落🍹飲品飲品亦非常多選擇，可以選擇無糖茶或不同梳打，轉換飲品口味可以食得更多☺️