SOFFEE (T.O.P This is Our Place) (已結業)

經過TOP商場被一間少女風cafe吸引住，由於餐廳採用全落地玻璃，聖誕佈置及整個甜品櫃呈現眼前，不知不覺就行左入去。黑松露雞肉大蘑菇燉飯 $128本來無打算叫主食，但見其他客人都點燉飯，搞到我又心思思。石頭形狀的碗又幾特別，同個燉飯好相襯，松露香氣撲鼻，燉飯份量不少，煮得夠creamy但食完唔會漏，混入很多雞肉及蘑菇碎，推介之選。秘製咸蛋黃薯條 $78薯條卜卜脆熱辣辣剛炸起，灑滿咸蛋黃碎，每一條都好夠味又不會過咸，同友人你一條我一條好襟食。Rose $68幾飽都要食甜品是常識吧～本想點窩夫可惜是日沽清，唯有留待下次。站在甜品櫃前揀甜品，就像企在手飾盒前遲遲下不到決定，每款甜品都非常精美，最後選了玫瑰花外形的蛋糕。以戚風蛋糕底夾住荔枝mousse及蘋果蓉，甜味清甜。焦糖拿鐵 $52自選少冰少甜，甜度岩岩好，頂層忌廉順滑，混入latte更美味。抹茶拿鐵 $52抹茶味夠濃，奶味偏淡不會搶過抹茶茶味。