SOFFEE (T.O.P This is Our Place) (已結業)

出左旺角買嘢，行經T.O.P. 俾 Soffee嘅靚靚甜品吸引住，見到行到攰攰地，餐廳入面又好似坐得幾舒服，所以就入去食個下午茶CHILL返一下啦！啲蛋糕真係好靚，每一件都好精緻又吸引，真係好想食晒落肚呢。除左蛋糕之外，佢都仲有好多選擇嘅，最後我就叫左一個煙三文魚沙律配凍烏龍茶嘅下午茶餐雖然係下午茶，不過佢嘅份量都好足，滿滿嘅沙律菜之外，煙三文魚都有約8片，而且每片都幾大嘅。另外配埋個酸酸甜甜嘅醬汁，所以食落特別醒胃。凍烏龍茶嘅茶味都好濃厚其實食完個下午茶餐SET都已經好飽，不過一場嚟到就當然要依埋個甜品。係眾多選擇下我就揀左抺茶麻薯蛋糕，抺茶朱古力脆皮嘅外層，入面就有抺茶mousse同蛋糕，加埋重點嘅麻糬，整體口感煙煙韌韌，而且一啲都唔甜，可以話係賣相同味道都令你無法抗拒嘅甜品呀。