曜 (已結業)

近排返工壓力好大，lunch忍唔住都要食好少少。朋友話呢間Omakase 質素都算唔錯，午餐仲性價比高，質素泊得住夜晚咁啵。閒日lunch time 走咗去試，職員安排咗我哋坐Omakase 枱，可以望住師傅整壽司🤣不過今日同同事都揀咗食熱食，壽司就留返下一次啦 餐廳裝修幾精緻，用武士做主題，連筷子座都係武士刀嚟。✨前菜花膠果凍 凍食好得意🎯口感好Q彈，少少鹹鹹地有啲似雞湯，但係好滑口。✨午市御膳-A4和牛丼用咗兵庫縣嘅A4和牛，先講個飯底，唔止係白飯底，應該用和牛汁加蛋汁炒過，有一種柔潤咁而且粒粒分明，好香好綿。牛肉唔會過薄，有厚感，和牛香得嚟都好肥美✨✨蟹王磯煮飽魚伴花山烏冬花山烏冬，即係日本好出名嘅超闊烏冬，屬於偏滑而且好軟身嘅唔感。蟹黃係用新鮮嘅蟹拆肉再加入蟹膏整成，蟹膏味好濃，鍾意濃味嘅朋友應該會好鍾意，磯煮鮑魚用醬油漬過，好淋身。將個烏冬加埋蟹黃，好奢侈🤣✨茶碗蒸 ✨鯛魚湯食完主菜，另外仲有一個茶碗蒸，蒸蛋總有一個秘訣，原來師傅加咗少少栗子蓉，唔鍾意食白果嘅我，覺得呢個味道好好。最後仲飲咗一碗，白雪雪嘅魚湯，完全無添加嘅魚湯。味道好鮮甜，亦都飲得出好足料。如果未食過Omak