影片
更多
2023-09-02
552 浏览
「NiRas」主打精緻泰式料理，餐廳裝潢優雅，中間嘅bar枱掛滿燈飾好奪目。值得一提，餐廳融合傳統泰式風味及現代烹飪技術，務求視覺及味覺上都令人有驚喜，而主廚Ton 更係泰國最著名嘅獲獎主廚之一，佢旗下餐廳 Le Du 獲得米芝蓮一星。👍4 Courses Delighted Tasting Menu ($1080)Amuse Bouche先來4款餐前點心，賣相精緻🍴龍眼木煙燻油甘魚，醬汁帶點酸甜令魚肉提鮮，幾開胃🍴炸芋頭泡芙，芋頭味好香，食落帶點辣及香草味道🍴魚子醬帶子撻，再配上甜甜辣辣泰式柚子，感覺幾特別🍴粟米沙律撻，食落有啲鹹蛋味，粟米幾清甜Prawn | Seaweed | Spicy Beetroot將煮熟嘅大蝦配搭Thai Basil 及海葡萄，令味道更有層次，而最特別係將泰式海鮮醬做成雪葩，味道似平時食泰式生蝦嘅醬汁，好有趣。Crab | Mushroom | Homemade Siracha炒飯用上泰國茉莉米，口感帶點嚼勁，炒飯入面仲有香菇粒，面頭嘅蟹肉幾多，而炒飯最特別係配上3款醬料，分別係蟹膏辣醬、黑橄欖醬及自家製是拉差醬，可以將炒飯混合每款醬汁品嚐，一個菜可以試到
4 Courses Delighted Tasting Menu ($1080)
Amuse Bouche
先來4款餐前點心，賣相精緻
🍴龍眼木煙燻油甘魚，醬汁帶點酸甜令魚肉提鮮，幾開胃
🍴炸芋頭泡芙，芋頭味好香，食落帶點辣及香草味道
🍴魚子醬帶子撻，再配上甜甜辣辣泰式柚子，感覺幾特別
🍴粟米沙律撻，食落有啲鹹蛋味，粟米幾清甜
Prawn | Seaweed | Spicy Beetroot
將煮熟嘅大蝦配搭Thai Basil 及海葡萄，令味道更有層次，而最特別係將泰式海鮮醬做成雪葩，味道似平時食泰式生蝦嘅醬汁，好有趣。
Crab | Mushroom | Homemade Siracha
炒飯用上泰國茉莉米，口感帶點嚼勁，炒飯入面仲有香菇粒，面頭嘅蟹肉幾多，而炒飯最特別係配上3款醬料，分別係蟹膏辣醬、黑橄欖醬及自家製是拉差醬，可以將炒飯混合每款醬汁品嚐，一個菜可以試到幾種味道，有創意。😊
Signature Grilled Lobster by Le Du (+$680)
龍蝦幾大隻，肉質爽彈結實，配上獨製冬蔭功汁，非常香，另外灑上炸蛋碎，味道好有層次。旁邊用紫莓煮嘅飯帶點酸，質感較濕潤，口感煙韌。👍
Wagyu | Fennel | Holy Basil
和牛煮至4成熟，中間保持粉嫩，油脂好豐富，紅酒汁味道唔錯，同時配搭清爽茴香可以中和一下。
Mango | Sticky Rice | Lemon
充滿fusion嘅芒果糯米飯甜品，將糯米飯做成軟糯米糕，口感煙韌，加上檸檬醬及香烤腰果，再配上酸酸甜甜嘅芒果雪糕，好好食！😍
Petit Four
4件甜點放係木盒好精緻，分別係朱古力焦糖撻、香蕉椰汁糕、紅肉火龍果及番石柳。
第一次食泰式fine dining，用餐體驗唔錯，每道菜式都有佢特別之處，個人幾喜歡蟹肉炒飯及甜品部份。😊
张贴
