GAIJIN

营业中

休息中

今日一條友去開銅鑼灣，想搵個地方靜靜地享受午餐，發現喺time square 附近既永光中心開左間新既法式fusion 菜，一於食下好西！入到門口，就會見到餐廳招牌，好有格調，內裏都算有空間感，晚上適合情侶撐下枱腳，店員服務都好新切，會為你介紹下餐牌既食物，頭盤到甜品既presentation 都好好！前有餐包兩款，分別係牛角酥同芝士軟包，上菜熱辣辣，好香脆，泊得住酒店水準，仲有得refill 添！之後有令和之怪物蠔。有北海道生蠔，上面有魚子醬同三文魚子，再配上柚子醋，更帶岀蠔既鮮味。另一道係魚子醬生蝦他他，一上菜既效果已經好驚艷，成盒魚子醬既份量，毫不吝嗇。到主菜部分選了美國hanger steak，主要無咁肥，要五成熟，熟質剛好，不un! 配上黑松露汁更惹味。最後配上蛋糕及咖啡。整体非常滿意，呢個價錢但有酒店食物質素！