莆田 (美麗華廣場2期) (已結業)

兩個人食午市一人餐。餐牌雖然畫到兩點半，但我哋差唔多三點去都仲有得供應。湯細細盅，足料好飲。兩個人所以可以叫曬六款小菜，好有睇頭。魚腐、筍普普,豬肝太乾。水晶豬蹄得意但太肥，蝦苗紫菜有醋我麻麻地，冰苦瓜點蜜糖就真係幾新奇。紅菇滷麵。味道淡淡，面幼滑。同下面嗰碗有唔少相同嘅配菜，亦有兩隻蜆同一隻蟶子、蝦。炒米就香口啲，米粉相當幼身。不過食完唔係好飽，好在茶任飲。叫做食過呢間米豬蓮一星啦！下次想黎試蟶子同魚！返家食粒糖。