花木日本料理 (已結業)

前菜: 擺碟相當有心思既一道前菜，有兩隻細細既蟹仔，食落好脆有啲椒鹽味，另外有一細碟醋浸芋蓉粉絲同一碟醃製左既菜。佢既醋係非常香，作為前菜好開胃。築地精選壽司拼盤: 自己最中意既始終都係甜蝦，咬落去覺得好鮮。鯛魚係燒過既，油油地特別香口。三文魚同呑拿魚正常。深海八爪魚有啲咬口，味道偏淡。深海池魚係最重魚味既，但都唔會腥。玉子好好話，甜甜地而且質地比平時食既軟身。海膽炒飯: 海膽幾鮮甜，但份量少左啲，炒飯味道普通，亦都因為凍得好快令佢既香味冇左。串燒拼盤八本: 賣相味道都好滿意，牛柳粒係好juicy亦都好香燒烤味。雞腎同雞軟骨有咬口，加少少檸檬汁更加好味。雞翼有驚喜，冇燒到好乾，咬落去肉質唔會硬。蘆筍都燒得好香，鎖到啲汁。炎燒六式珍味蠔: 每隻蠔都好大隻食落juicy，芝士味加左啲沙律醬同隻蠔都幾夾。蒜蓉係保險之選，清酒冇乜酒味，天婦羅幾特別，皮薄炸得好鬆脆。食物質素唔錯，重點推介串燒拼盤同六式蠔。