潮盛館

营业中

休息中

潮洲打冷係我媽其中一樣喜愛的菜式，梗係要帶佢周圍食，試下啱唔啱心水。今次來到新蒲岡，在mikiki 對出的商場轉角位。餐廳環境舒服，在咁熱的天氣下，最重要冷氣開得好足，好涼快。蜜汁燒鱔（$168）個火候燒得好香脆，一入口的香脆，加上甜甜的蜜汁味，同埋彈牙的厚鱔，被佢驚艷到，推薦的必點菜式！潮盛卜卜蜆($188)呢個價錢真係無諗到咁足料咁大煲，好多好多隻沙白，粒粒好厚肉，最中意係佢個湯底，蒜香、香菜加胡椒味香濃，好暖胃，撈飯食一流！胡椒豬肚雞煲（$62）呢個lunch set一d都唔求其，煲仔大大份，仲要好足料，而且好好食，有圖有真相。蠔餅（$108）蠔仔份量都唔少，不過略嫌粉漿多，蛋味唔夠。