影片
更多
2021-04-19
320 浏览
好耐冇食中菜，有朋友介紹，灣仔有間叫名門私房菜嘅順德中菜料理非常唔錯，於是就早兩日訂位。訂位先知有啲菜原來要預留，咁就即刻訂咗杏汁燉白肺湯及黃金蝦多士，其他餸可以去到先至叫。所以坐低之後再叫咗冰鎮鮑魚，煎釀鯪魚，砵酒汁洋蔥煎雞扒同埋麵醬啫啫唐生菜。杏汁白肺湯果然出名，杏仁磨得又滑冇渣，豬肺又冇騷味，好飲。冰鎮鮑魚有淡淡的白滷水味道，但又不會掩蓋鮑魚本身的鮮味，再點少少Wasabi豉油食，有提鮮的作用。再上枱就係黃金蝦多士，蝦是每日新鮮拆肉打成蝦滑，而黃金就係用鹹蛋黃炒香，再鋪在蝦多士上面，可以稱之為極度邪惡的美食🤪煎釀鯪魚是順德的傳統手工美食，首先要將魚拆肉打成魚溶，再釀返入鯪魚入面，鯪魚皮完全冇破損，所以非常之巧手功，之後再整條魚煎香，淋上豆豉果皮豉油汁，濃香惹味。另外一味是店員推介的砵酒汁洋蔥煎雞扒，出奇的好食，洋蔥生熟度剛好，雞扒煎得香脆，淡淡的砵酒汁送飯一流。最後上枱係麵醬啫啫唐生菜，唐生菜係用瓦煲上，上枱時應發出吱吱聲，香味整間餐廳都聞到，而唐生菜選取最嫩的部份，生熟度剛好又爽口，令人食不停口。最後餐廳還送上腐竹薏米糖水，潤肺又潤喉，為完美晚餐畫上句號👍
訂位先知有啲菜原來要預留，咁就即刻訂咗杏汁燉白肺湯及黃金蝦多士，其他餸可以去到先至叫。所以坐低之後再叫咗冰鎮鮑魚，煎釀鯪魚，砵酒汁洋蔥煎雞扒同埋麵醬啫啫唐生菜。
杏汁白肺湯果然出名，杏仁磨得又滑冇渣，豬肺又冇騷味，好飲。
冰鎮鮑魚有淡淡的白滷水味道，但又不會掩蓋鮑魚本身的鮮味，再點少少Wasabi豉油食，有提鮮的作用。
再上枱就係黃金蝦多士，蝦是每日新鮮拆肉打成蝦滑，而黃金就係用鹹蛋黃炒香，再鋪在蝦多士上面，可以稱之為極度邪惡的美食🤪
煎釀鯪魚是順德的傳統手工美食，首先要將魚拆肉打成魚溶，再釀返入鯪魚入面，鯪魚皮完全冇破損，所以非常之巧手功，之後再整條魚煎香，淋上豆豉果皮豉油汁，濃香惹味。
另外一味是店員推介的砵酒汁洋蔥煎雞扒，出奇的好食，洋蔥生熟度剛好，雞扒煎得香脆，淡淡的砵酒汁送飯一流。
最後上枱係麵醬啫啫唐生菜，唐生菜係用瓦煲上，上枱時應發出吱吱聲，香味整間餐廳都聞到，而唐生菜選取最嫩的部份，生熟度剛好又爽口，令人食不停口。
最後餐廳還送上腐竹薏米糖水，潤肺又潤喉，為完美晚餐畫上句號👍
张贴
