La Famille

营业中

休息中

La Famille 喺香港都开咗十几间分店，但自己一直都未食过，今日突然间心血来潮走入舖头望吓。饼店除咗有蛋糕卖之外，仲有卖蝴蝶酥同祝贺卡，临近新年仲出埋贺年礼盒。橱窗摆咗好多唔同口味嘅蛋糕卖相非常吸引，最后买咗几件返屋企试吓。大甲香芋黑麻糬 ($65) : 香芋忌廉混入黑糖麻糬粒，口感烟韧香芋味浓香芋迷必食。伯爵夫人 ($65) : 蛋糕面铺上果冻粒同啫喱，成个蛋糕都充满香浓嘅伯爵茶香。日本柚子 ($60) : 蛋糕顶层铺满柚子忌廉同生果，味道清新又甘甜。焦糖完熟香蕉 ($60) : 蛋糕顶层有巧克力脆脆，中间同顶层就铺满浓厚奶香嘅焦糖忌廉，味道层次丰富。