甜牙牙煮意

营业中

休息中

旺角的隱世西餐，無加一服務費，即叫即整，上菜速度都快，用料足，味道精緻，有回頭食的衝動，和king 姐食完再繼續開工。Cookery sweet Tooth ，一間精緻好食的餐廳。平均消費$220左右。蝦汁大蝦$128 大蝦肥美飽滿，厚肉。醬汁用大蝦頭熬製，鮮味足，惹味出眾。意粉吸收醬汁，滋味有彈性。蒜片乾辣椒$88 蒜片多，蒜味澎湃，蒜頭控必試。辣椒的微辣口味，增添蒜味的香濃。乾炒意粉，夠乾身之餘，每條都有蒜頭香。配料有切片的杏鮑菇，與蒜意粉好夾。汁煮鮑魚配牛油杏鮑菇$198一碟4隻，隻隻肥美多肉，彈性十足，新鮮好食。烹調時間拿捏恰到好處。醬汁惹味可口，底部的切粒杏鮑菇亦好美味，吸收了鮑魚汁的鮮甜，口感和味道屬於高質享受。菊花枸杞決明子茶$24要用四個字形容，健康之選！微甜的味道，菊花枸杞的味道飄逸，清新的感覺，越飲越起勁。