影片
更多
2015-12-07
252 浏览
之前係尖沙咀食個間chef stage,感覺真係好好，氣氛唔錯之餘味道又好，今日上網月睇到佢係銅鑼灣呢邊多左間分店，緊要即刻同朋友黎朝聖下喇。呢間分店個地理位置都算唔錯，地鐵站過黎都唔洗5分鐘，好鬼方便。一上樓當然就係見到熟識嘅西餐大排檔呢個招牌喇，除左招牌之外仲有隻可愛嘅熊仔係升降機門口迎接咁多位客人。入到去坐低，侍應都好細心咁服侍我地，仲同我地細心咁講解呢間分店同尖沙咀那一間有什麼分別。跟住我地當然又係再次叫左一堆野食醫肚。艾迪BB 白鴿今次再次叫呢個食落真係同之前有咩都小小唔一樣，食落肉質更嫩，肉汁更多，做得到皮脆内嫩，真係好正~~懷舊勁秋大蝦多士，同普通嘅蝦多士唔一樣，正常蝦多士係好似西多士咁四四方方，但係呢度係用一隻大蝦整成，整到好似成條蝦咁，餐廳上枱嘅時候連埋個蝦頭一齊上，入面仲有小小膏架，件蝦多士入口好脆身，内裡好真材實料，好多蝦膠係入面，食落好鬼彈牙，，比我食過嘅蝦多士都多。而且餐廳仲俾埋介辣甜醬，點埋呢隻就更惹味喇。黑毛豬海鮮肉骨茶肉骨茶上枱時我不禁"嘩"左一聲，用料真係好矜貴，有飽魚，黑毛豬肉肋骨條，同埋海蝦。肉骨茶入口藥味不算濃，帶小小鮮甜味，飽魚等等嘅材料都好入
一上樓當然就係見到熟識嘅西餐大排檔呢個招牌喇，除左招牌之外仲有隻可愛嘅熊仔係升降機門口迎接咁多位客人。
入到去坐低，侍應都好細心咁服侍我地，仲同我地細心咁講解呢間分店同尖沙咀那一間有什麼分別。跟住我地當然又係再次叫左一堆野食醫肚。
艾迪BB 白鴿今次再次叫呢個食落真係同之前有咩都小小唔一樣，食落肉質更嫩，肉汁更多，做得到皮脆内嫩，真係好正~~
懷舊勁秋大蝦多士，同普通嘅蝦多士唔一樣，正常蝦多士係好似西多士咁四四方方，但係呢度係用一隻大蝦整成，整到好似成條蝦咁，餐廳上枱嘅時候連埋個蝦頭一齊上，入面仲有小小膏架，件蝦多士入口好脆身，内裡好真材實料，好多蝦膠係入面，食落好鬼彈牙，，比我食過嘅蝦多士都多。
而且餐廳仲俾埋介辣甜醬，點埋呢隻就更惹味喇。
黑毛豬海鮮肉骨茶肉骨茶上枱時我不禁"嘩"左一聲，用料真係好矜貴，有飽魚，黑毛豬肉肋骨條，同埋海蝦。肉骨茶入口藥味不算濃，帶小小鮮甜味，飽魚等等嘅材料都好入味，而且入口口感唔會有霉嘅感覺真係令人驚喜。
蟹肉濃湯配鮮蠔杯呢個蟹肉濃湯又係好鬼足料，啖啖湯都超足料，啖啖都係蟹肉，另外仲特別為呢個湯配備左一杯蠔杯，蠔杯入口帶小小微辣，將呢一細杯嘅蠔杯倒入口裡面再即刻喝啖湯，會有啲特別嘅效果，因為湯同蠔杯味道上有小小唔同，所以會做成層次感，好鬼特別。
香港豬扒包呢個豬排包有啲特別，唔係平時咁用漢堡包果種面包，而係用長條型嘅面包，仲要係經過烤製，超級脆身，入口真係好鬼正，内裡嘅豬扒並不是用平時果種一塊塊果啲豬扒，而係用黑毛豬肋骨條，感覺佢同脆身嘅包真係絕配，脆身之中帶點嫩滑嘅口感，仲要加適當嘅油份，真係適得試下。
香燒原條鮮倉魚真係無諗過呢度會有呢樣野叫，見佢咁特別於是我就即刻叫左黎試下，條倉魚燒到岩岩好，唔會有平時燒野食燒魚果陣咁乾身，肉質保持嫩滑嘅同時又夠晒味道，真係唔錯。
燒牛利配蜜糖芥辣牛利燒得岩岩好，肉質唔好乾身之餘仲保持到嫩滑，另外一方面餐廳配埋蜜糖芥辣，用黎點埋牛利真係會惹味好多架，如果你都係肉食愛好者真係唔好錯過呀~~~
燒豬手配甜芥辣呢度嘅豬手又係唔錯嘅，比較一般西餐廳做得真係更好，皮脆之餘肉仍然保持左嫩滑，而且豬手上枱嘅時候，餐廳仲要幫客人切好晒先上枱，食客好方便就可以食到成隻豬手啲肉。你話作為燒豬手粉絲嘅我，呢隻豬手係幾咁令人滿意呢。
日本原隻菠蘿雪葩食飽飽之後緊係食甜品喇，呢個雪葩係由日本空運到港，入口清甜，而且夠晒凍，最緊要係份量唔會太小，真係令人滿意。
日本椰子雪糕
呢個椰子雪糕入口充滿椰香味，而且好幼滑，不過個殼真係好鬼似朱古力殼，大家要小心呀，佢唔係朱古力，個殼唔食得架。
雖然呢間野叫西餐大排檔，但係就一啲都唔似普通嘅大排檔，食物令人有驚喜嘅同時種類又夠多，真係好值得人一黎再黎架。。。
张贴
