花木日本料理 (已結業)

2019年5月6日。雨。尖沙咀。呢日冒雨都要嚟食日本嘢！！餐廳喺天文台道，唔近地鐵站，要行遠少少但係係值得嘅！裝修非常雅致，有木、有石、有流水，好有意境～餐廳仲有幾個包廂，木製趟門加和紙，好有質感最啱一班朋友嚟慶祝～餐廳提供各種唔同嘅套餐，呢日我哋決定食呢個～～～鹿兒島和牛盛宴—大滿足火鍋～～餐廳裝修真係好有特色～～我哋6點幾已經到餐廳，所以冇乜人，晏少少就坐滿晒，所以一定要訂枱呀～～芥辣八爪魚擺盤都好精緻～～～呢個前菜用咗細細個好似蛋殼咁嘅兜仔去裝份量唔算多，但以芥辣八爪魚嚟講，佢做得好出色～芥辣都幾多，食落好刺激～～～隔籬仲有紫色嘅醃蕎頭～兩樣都好好味～刺身三點＋波士頓龍蝦半隻刺身有蝦、油甘魚同帶子～全部都好新鮮，味道鮮甜～～波士頓龍蝦勁多膏，要拆肉略為麻煩，但經過一番努力，拆出嚟嘅肉都好彈牙～壽司三貫有吞拿魚蓉、左口魚裙邊同三文魚～上枱嘅玻璃碟好靚～除咗隻碟，第一時間留意到嘅係啲飯粒嘅顏色同平時食開嘅壽司唔一樣飯粒唔係白色，而係帶啡色嘅～本來以為係炒飯，但係食落同普通壽司飯嘅味道冇大分別估計係用嘅醋唔一樣～超級欣賞左口魚裙邊壽司，質地creamy，味道濃郁～～～鹿兒島和牛火鍋方面