顏府御膳 (已結業)

近排食得多國菜都有啲悶悶地，搵到呢間專食精緻中菜，就搵左個weekend去食。餐廳座位都幾闊落，坐得舒服。Weekend 有提供lunch set餐牌，有前菜，老火湯，主菜配白飯，一道甜品。前菜揀左川味手撕雞同青瓜海蜇頭，手撕雞辣味過癮，海蜇頭好爽脆。老火湯用料十足，飲完唔口渴。主菜揀左鳳梨咕嚕肉伴炸雲吞，咕嚕肉炸粉好薄身，食到香脆感。XO醬法邊豆炒帶子，略煎過嘅帶子好鮮甜。最後甜品係桂花雪梨燉蘆薈，好清甜。