Coffever (已結業)

餐廳係銅鑼灣內街嘅大廈樓上，雖然細細地，但就幾簡約別緻。睇個名就知呢間餐廳以咖啡為賣點，所以決定必定要試下呢度嘅招牌手工咖啡，主菜就要左都係非常特別同少有嘅安格斯牛腹肉。手工咖啡咖啡豆來自埃塞俄比亞，用hand drip方式沖泡，以呈現咖啡最真實嘅味道。咖啡上檯嘅時候較熱，老闆建議等咖啡凍少少嘅時候先飲，嚐到嘅味道會更好。飲落呢種咖啡除左苦味外，仲有種濃濃嘅清新檸檬酸味，而且呢呢種味道仲會留係口裡面，成為餘韻，果然好特別！慢煮安格斯牛腹肉配薯蓉呢個安格斯牛腹肉非同一般，因為呢個部位係每隻牛身上只有約2kg，而且製作工序好繁瑣，要將牛筋挑起曬，所以好少餐廳會用呢個部位去製作菜式，唔係咁易食到，可見呢間餐廳係菜式上嘅特別同用心！牛腹肉用慢煮方式烹調，既可以令到牛肉個種血腥味減少，又可以令肉質比一般牛肉軟腍，非常易入口，而且呢個牛腹肉調味得當，唔需要加其他醬汁就已經好入味！