Cafe Whale

营业中

休息中

原來Cafe Whale除了香港仔的總店之外亦喺西灣河太安樓開了分店，作為柴灣居民以後唔洗山長水遠去幫襯。呢間店雖然叫做Cafe，不過其實佢D精心炮製的漢堡包先至係主打。佢地嘅Burger雖然有好多款，不過今次我最後都係決定食手打騸牯牛漢堡，另外再叫了一個腐乳味薯條，因為好似幾特別同埋出面其他地方好少見到。呢個就係食手打騸牯牛漢堡，因為Cafe Whale所以喺個包上面印咗個鯨字。入面的騸牯牛肉漢堡扒牛味好香，食落去好有唔同大小Size的肉的口感，呢種口感係一定係要人手打先至有，用機打一定會無晒，因為會打到好幼細，另外我想講嘅就係佢個Burger入面用的蔬菜新鮮得黎感覺上比較嫩，真係唔錯。腐乳味薯條其實就係腐乳粉再加腐乳醬，腐乳粉就好似麥記的shake shake粉咁嘅作用啦，唔會好鹹，味道唔錯。