中華滙館 (已結業)

周末想同屋企人食餐好啲，佢哋一向鍾意食中餐，知道中環新開左一間高級中菜廳，喺正陸x對面，一於同屋企人來豪試一下！門面好簡約，但感覺到佢獨特嘅氣派。餐館內地方好闊落，所有嘅擺設都好整齊，簡潔大方。座位非常之舒適。先來一個前菜，麻辣口水雞，雞肉超級嫩滑！富鮮雞味，油脂不太多，麻辣好香但不會嗆喉，好過癮好開胃。接着係雞油炒中菌，我個人覺得有少少似麻油味，好滑好香，茹鮮嫩多汁，好冧。主菜要咗個香茅炒鮮蝦球，蝦球非常之多肉又彈牙！每一粒都晶瑩剔透！香茅味好香，但不會蓋過蝦嘅鮮味。每一粒蝦球都非常大，肉好厚，又彈牙又爽甜！洋蔥炒黑豚肉，黑豚肉用上豬腩部份，肥瘦層層分明，不會太韌，食落口感豐富。洋蔥炒得好香，用呢一個來送飯簡直係絕配！最尾要咗個海帶綠豆沙做甜品，我個人唔食綠豆沙，但屋企人都讚口不絕。呢度用餐環境十分好，又寬敞又乾淨，而且店員照顧好周到，經常主動斟茶換碟，好貼心。