影片
更多
2019-04-30
32 浏览
為食太太最鍾意就係四圍去搵野食，今日就食到去上環商廈區。呢間開設於4樓既私房火煱館，鄰近港鐵站E3出口對面的單幢商廈。私房菜特色就係講求貴精不貴多，大廳只能招待約6-7張散座及餘下一部份可劃為私人包廳之用，頗適合一大班朋友包場來個私人烚烚下派對係最理想既地方選擇。個人對於邊爐湯底既要求都係偏好重口味，呢度提供既鴛鴦煲可以四選二，有太太喜歡既沙嗲煲跟自己既心頭好四川麻辣煲組成湯底部分。兩者之中以沙嗲煲味道較為出色，尤以湯頭滾沸時泛起的花生香味及香料倍感突出，質感上又不過度濃杰封喉。另一邊廂既麻辣卻略缺少了麻香之神緒，煱面既花椒量不及預期般多且帶著紅池地獄一樣既感觀。食物還未就緒之際，先來重要的食前混醬一環。服務員先為我們端上一盤載有各式各樣既醬料架，特別推介當中一款由師傅親自秘制既蝦蟹鮮味醬，入口果真極尚鮮味無比。火煱必備之好拍檔指天椒當然不能少，加入小撮清新鮮嫩既芫茜及鮮蒜蓉，最後配合幾滴麻油及豉油調試一口簡直精神渙發。每一道火煱配料服務員均會建議我們相關最佳煮食時間，以免過火影響食材真鮮味。色澤紅潤得有如牛肉般深，經切割成薄片既西班牙黑毛豬梅肉，只需下到鍋面快手拖曳6秒即離湯，肉質仍
私房菜特色就係講求貴精不貴多，大廳只能招待約6-7張散座及餘下一部份可劃為私人包廳之用，頗適合一大班朋友包場來個私人烚烚下派對係最理想既地方選擇。
個人對於邊爐湯底既要求都係偏好重口味，呢度提供既鴛鴦煲可以四選二，有太太喜歡既沙嗲煲跟自己既心頭好四川麻辣煲組成湯底部分。
兩者之中以沙嗲煲味道較為出色，尤以湯頭滾沸時泛起的花生香味及香料倍感突出，質感上又不過度濃杰封喉。另一邊廂既麻辣卻略缺少了麻香之神緒，煱面既花椒量不及預期般多且帶著紅池地獄一樣既感觀。
食物還未就緒之際，先來重要的食前混醬一環。服務員先為我們端上一盤載有各式各樣既醬料架，特別推介當中一款由師傅親自秘制既蝦蟹鮮味醬，入口果真極尚鮮味無比。
火煱必備之好拍檔指天椒當然不能少，加入小撮清新鮮嫩既芫茜及鮮蒜蓉，最後配合幾滴麻油及豉油調試一口簡直精神渙發。
每一道火煱配料服務員均會建議我們相關最佳煮食時間，以免過火影響食材真鮮味。色澤紅潤得有如牛肉般深，經切割成薄片既西班牙黑毛豬梅肉，只需下到鍋面快手拖曳6秒即離湯，肉質仍然嫩滑十足兼夠Juicy，總體餘香度甚高，搭配沙嗲湯比較match。
觀感恰似大理石花紋般既脂肪分佈得宜，使得口感倍添柔滑，吃到高品位既靚肉即使價目稍高一點都在所不計啦
墨魚滑在綠葉之下更突顯出亮白度及呈起膠軟黏，服務員十分貼心為我們用小木匙輕搓小掫入湯，輕煮數十秒後已浮游於湯面。端起一顆咬下彈牙又爽口，鮮味得沒有半點腥味，可見用料新鮮上盛。
小籠包都係店長推介既其一項目，一碟六粒飽滿堅挺，看落餡料份量十足。輕放一口到四川麻辣煲裡，熟透後的外皮不易被戳穿或受熱破裂，內裡鎖留著瘦肉原有既鮮甜肉汁及湯汁之精華。
张贴
