一鍋瘋 (已結業)

秋風起 打邊爐是常識吧！今日就嚟到位於女人街隔離嘅呢間火鍋店 叫一鍋瘋 呢度特色係一人一鍋粥底火鍋 我哋揀咗紫薯湯底同椰子湯底 湯底比較淡 但係椰子好足料 有粒粒椰子肉喺入面 海鮮 係已經預設咗四款時令海鮮 唔使自己揀 每人半隻蟹 啲蟹好多膏而且肉質鮮甜 仲有蝦 花甲 大蜆 同埋每人一隻鮑魚 鮑魚好新鮮上枱嘅時候 仲旭旭下 仲有兩隻手板咁大嘅貴妃蚌 淥30秒就食得 好鮮甜 之後就係普通嘅火鍋料 每人可以揀三款 加上預設咗嘅蔬菜籃同埋唔同嘅丸 我哋揀咗豚肉同埋手切肥牛墨魚滑 仲有魚皮餃 同埋雞髀肉 所有嘢加埋都大大份 而且好新鮮 食完海鮮同火鍋料已經好飽 原來仲有粥底火鍋等緊我哋 店員會將南瓜粒同芋頭粒預先倒落鍋到煮 再加一碗煮淋咗嘅米落去 再搞搞搞就變咗 一碗好鮮味嘅粥喇 實在太飽啦 最後都係食淨幾啖