元朗新記 (鴻運樓)

呢間老字號粥店，唔單止得粥，仲有小菜同茶餐，同茶餐廳差唔多，不過茶餐廳嘅粥就肯定冇佢煮得咁出色

山長水遠入到元朗，梗係試埋佢其他野

小食揀咗海蜇手撕雞，份量都幾多，唔油唔辣，同平時酒樓食開嘅唔同

海蜇手撕雞

$55

仲試咗紅燒元朗脆皮乳鴿，皮真係好脆，肉質唔會燒到乾，味道亦好入味，唔駛點淮鹽都好夠味

紅燒元朗脆皮乳鴿

$73

另外仲點咗酥炸魷魚鬚，果然炸得啱啱好，好酥脆，炸得唔老，魷魚仲好彈牙

酥炸魷魚鬚

$58

菜就揀咗椒絲蝦醬通菜，因為平時食得腐乳多，今次試下蝦醬，幾惹味，味道夠濃

椒絲蝦醬炒通菜

$48

黎到主菜嘅粥，貴妃雞粥有少少藥膳味，雞有醃過嘅鹹香味，同埋好滑

貴妃雞粥

$56

至於海鮮粥就好足料，有魚、蝦、蟹、帶子，粥底幾有鮮味，食得出唔係加味精

馳名海鮮粥

$77

另外，熱豆漿幾好飲，好濃好滑，值得一試！而泰式青檸冰幾夠酸味，好消暑解渴

熱豆漿、泰式青檸冰

$36

整體黎講，成餐我都幾滿意，樣樣野都有水準👍🏻