豚王 (V Point) (已結業)

今日行經銅鑼灣，見到有啲人喺度影緊相，我又八卦一下望一望，最後仲入咗去食飯添！👍🏻 春祭限定拉麵「桜ラーメン」粉紅色嘅湯底係用咗清雞湯做底，加上濃郁既櫻花蝦粉、紅菜頭汁同忌廉烹調而成，飲落幾淡身同時帶點清香，飲多兩啖亦都能夠品嚐到櫻花蝦嘅味道。（一般拉麵會配豚肉，但呢一款就配有雞肉），雞肉索哂汁唔會鞋口。但由於湯底比較稀身，未必能夠做到好掛湯嘅效果。👍🏻 櫻花水玄信餅擺盤見心思，水玄信餅口感好似啫喱，加入配備喺旁邊嘅吸管，把黑糖醬慢慢滲入去。📸花見為題的切繪畫作（由3月18日至5月10日限定展出），行經銅鑼灣可以影返幾張相，雕刻得幾靚！💡食完飯仲行咗轉Donki，幻想日本半天遊！