影片
更多
2021-08-17
300 浏览
繼上次介紹完黎巴嫩菜，今次繼續帶大家味蕾去旅行🧳！去嘅係有「印度洋之淚」之稱嘅斯里蘭卡~ 同樣係香港非常少見，人生點都要試一試！餐廳門面以粉紅色雜貨店造型登場，十足係MV 裏面出現嘅場景💕 未食已經可以瘋狂打卡影靚相，打開門個刻連自己都覺得去緊旅行咁！店内以粉紅拼藍為主調，配搭木系餐枱同壁畫，時尚舒適，隱約中散發着街頭異國風味~由於斯里蘭卡地處熱帶，所以菜式都用上唔少熱帶水果，例如椰子，菠蘿，芒果等，啱晒今個夏天去試！🌞-Brunch Menu ($218/位) 星期六，日及公眾假期 12:00-16:00提供*<On the Table>•Devilled Chickpeas 辣味鷹嘴豆•Yoghurt 乳酪醬•Acharu 醃菠蘿•Seasonal Salad 時令沙律•Papadum 薄脆餅前菜係四款小碟，類似韓國嘅拌菜。鷹嘴豆用上紅辣椒，咖哩葉，洋蔥炒香，十分香口~ 用上紅辣椒粉醃製過嘅菠蘿粒，食落酸甜開胃，並帶刺激嘅辣味🌶 一旁嘅乳酪醬有解辣嘅作用*<Out of The Kitchen >•Bacon & Egg Hopper / with
由於斯里蘭卡地處熱帶，所以菜式都用上唔少熱帶水果，例如椰子，菠蘿，芒果等，啱晒今個夏天去試！🌞
-
Brunch Menu ($218/位)
星期六，日及公眾假期 12:00-16:00提供
*
<On the Table>
•Devilled Chickpeas 辣味鷹嘴豆
•Yoghurt 乳酪醬
•Acharu 醃菠蘿
•Seasonal Salad 時令沙律
•Papadum 薄脆餅
前菜係四款小碟，類似韓國嘅拌菜。鷹嘴豆用上紅辣椒，咖哩葉，洋蔥炒香，十分香口~ 用上紅辣椒粉醃製過嘅菠蘿粒，食落酸甜開胃，並帶刺激嘅辣味🌶 一旁嘅乳酪醬有解辣嘅作用
*
<Out of The Kitchen >
•Bacon & Egg Hopper / with Seeni and Pol Sambol / choice of Kari 煙肉蛋雙層小圓餅 配 椰子洋蔥參巴/斯里蘭卡咖喱
Hopper係斯里蘭卡非常普遍地道，餅皮主要以米粉及椰奶。煎鍋比較深，所以做到碗型嘅小圓餅 😍 煎得差不多入面再加入雞蛋同煎香嘅煙肉。食嘅時候可以沾上蛋汁，再配上拌入左洋蔥，辣椒，青檸汁等香料醃製嘅椰子乾Sambal / 咖哩。立刻將成個薄餅味道昇華，香料味出哂嚟✨ 連店員都話係佢嘅至愛🤩
*
•Yellow Rice with Brinjal Moju, Papadums & Mango Chutney / choice of Kari 黃薑飯 配 香醃茄子，薄脆餅& 芒果甜酸醬 / 斯里蘭卡咖哩
黃薑飯 配上唔同嘅伴碟，瞬間變出唔同組合變化❣️ 香醃茄子係炒香左嘅茄子再加入秋葵，shallot ，青辣椒，辣椒粉，醋及砂糖等調味，所以食落酸甜帶辣味，非常適合送飯！芒果甜酸醬係印度一帶獨有嘅醬料，除左芒果肉，仲會添加薑，辣椒粉等增加辣味，配薄脆餅食特別有風味！咖哩可以選擇魚，雞或蔬菜。
-
Colombo G&T ($98) 用上Gin，櫻桃甜酒 配上 青瓜汁以及Tonic water，清爽帶淡淡清甜🌿
*
Ranatunga peacock ($98) 混入Rum，接骨木花酒，熱情果 及 梳打水。帶有熱情果原有嘅酸酸甜甜，非常清新解膩🦚 同菜式亦都非常match!
张贴
