BaBo The Drink Shop (已結業)

今日約左朋友係旺角食飯，飯後行街經過，見到間迷人粉紅色的店，原來賣飲品，賣相吸引。最正係可以影相，牆身同裝飾擺設都好靚，有少女風格，但男仔就有點格格不入，不過引到身邊既女友或女性朋友就得啦。我同友人各買一杯，兩款都係粉紅色，好pink lady feel。草莓戀人拿鐵+手工紅麴珍珠 $43迷人粉紅色已經靚盡全場，加上店方提供乾花陪襯，還有粉紅色牆身，狂影厄like無難度。用新鮮草莓製成，草莓味好香好濃，同奶味好平均，仲有cream增加順滑口感，脆片帶點咬口，另外加了紅色的紅麴珍珠，又靚又好食，微煙韌彈口，且不痴牙。重點甜度不高，飲完唔會好膩。估唔到味道同賣相都一樣咁好。少女的夢幻泡泡 $29個名同飲品果然好襯，漸變粉紅令人感覺夢幻，加上梳打氣泡的效果，令賣相更動人，個面仲有玫瑰花瓣碎裝飾。味道係清爽甜美的荔枝味梳打，又凍又夠氣，荔枝味亦好香，的確幾岩夏天飲，仲要可以瘋狂自拍。