影片
「Babo」，呢间野好耐之前已经见过好多人打卡，一直冇机会试。今次经过，终于可以试下系咪真系饮得过啦！😜—草莓Babo拿铁鲜红色既拿铁，令充满少女心既蓝妹见到已经好开心！😍满满既挂杯令人感觉真料实料，应该味道十足吧。🤤唔洗惊拿铁有咖啡因，Menu讲到明系冇既，唔饮得咖啡因既蓝妹都放心饮哂。😌佢既鲜奶唔系特别出色，同其他一样都系香滑，但系蓝妹最钟意佢成杯野唔会太甜，草莓味浓而不甜腻，唔会好似饮糖浆咁。😲除左有淡淡草莓味既珍珠，佢亦有细细粒既草莓粒，可以畅饮之余，多左一种口感。👍🏻不能不说，比起而家好hit既黑糖珍珠奶，蓝妹认为呢杯更加好饮，亦系暂时最钟意饮既一杯。❤—芋头Babo拿铁平时既芋头奶通常都比较稀，呢杯出奇地比较浓稠，味道亦相对浓郁。能够饮到有芋头丝，甜度适中，男朋友相当满意。😬—论打卡，Babo既卖相好好，影相一流。论味道，两杯都好岩蓝妹口味，饮哂成杯仲想饮多次。😍Babo暂时系蓝妹最钟意既一间。
继续阅读
依家既茶饮舗太泛滥啦，久唔久就会有啲新开张或者过江龙不过大家有无谂过饮个啲系唔太健康所以今次系旺角众多舗头之中，拣左呢间好少女心既店舖试粉红色既舗面有好多既干花，招牌位仲可以用黎打卡洛神花小紫苏，有点酸甜味道唔会系好怪既化学味，而且洛神花既味道都好出饮埋下面既阿奇籽，感觉好健康酸酸甜甜可以令到胃口大增对肠胃几好~而且价钱又唔算贵，$20几蚊杯就可以健康啲啦~而且又系低卡路里之选，啱晒要减肥既你！推介: /5
继续阅读
今日系旺角附近做嘢，收咗工都仲系好热好晒，我见呢间都有少少人排队，同埋门面都几靓，好似主题cafe咁，所以就试吓🤣我叫咗招牌最出名嘅黑糖BABO拿铁，其实我唔系好明点解叫拿铁，但系本身成份就冇咖啡🤣🤣 不过见佢系招牌,所以就叫左！$29 ,算系一般市价😊等左大概15分钟左右，可能比较少服务员，唔系好多人但系都等得耐🙈 佢既份量比较少，外形同鹿角既有啲似～饮落黑糖味都好重，不过珍珠就比较淋身，冇乜口感～ 啲奶比较淡，好似稀左少少咁，唔系好似奶🙈 试一次就够了😝
继续阅读
最初行街见到呢间新开喺新宝戏院隔离嘅台式饮品店,头𠮶几日真系系威系势咁人龙不断,好多女子都少女心大爆发咁俾佢嘅全粉红系列装修吸引打咭影相,有一日仲见到有唔知日本定系韩国嘅电视节目嚟采访呢间小店添!风头一时无两......过咗成个月有多,而家终于见到人龙散去喇,亦系我一试佢哋嘅良好机会
细心睇佢哋嘅餐牌,除咗茶类之外仲会有拿铁系列,另外比较特别嘅就系气泡系列,好似出面都比较小见,如果钟意饮有气果汁嘅朋友都可以试下~不过我份人就比较专一,第一次试,我都系叫咗一杯黑糖babo拿铁,佢个名虽然系叫做拿铁,但系佢写明系不含咖啡架,同埋为咗保持风味,我都叫番正常嘅冰量同糖度。阿肥呢个生果控仍然系拣咗杯芒果沙冰,两杯都系唔过三十蚊嘅,OK啦
俾完钱拎咗飞等嘢饮,见到佢粉红粉红嘅布置都忍唔住影咗几张相,仲有啲干花摆设咁,系几靓嘅
因为人唔多,所以只系几分钟就有嘢饮喇!~其实咁样消费先至系最开心,就算极级好味道都好,要排成个钟都真系令人厌世呀大佬......Babo呢间店用嘅圆底杯确实系增添咗一份可爱嘅感觉,我呢杯黑糖babo拿铁,原来系可以拣豆奶或者鲜奶去做,几特别呀我谂我下次都会试下用豆奶嘅会系咩嘢味,店员出餐嘅时候一定会提客人记得要搅匀先好饮,不过我份人就好调皮嘅,成日都唔舍得摧毁啲虎纹,所以都会先饮两三啖系咩感觉先,跟住先会再搅拌,呢一杯头几啖俾我嘅感觉系好甜,所以我就极速已经搅匀喇证明佢哋黑糖味道都算几重,不过鲜奶嘅味道就唔系好出,普普通通咁,应该唔似系日本奶~啲珍珠都OK烟韧Q弹嘅~不过就略为唔够味啦~100分满分嘅话:呢杯喺我心目中都有70分咁上下啦
至于阿肥杯芒果沙冰就比较出色喇成杯碎冰够哂冰冻,仲有用咗好多芒果肉去打所以好够味唔会<水nel nel>,一啜入口已经feel到佢哋密度超高够足料抵赞!!!
继续阅读
麻麻地嘅珍奶🙃～～～～～～～～～～～～～～～～～～～系旺角经过一间好粉红卖饮品嘅舖头，我觉得麻麻地😂😂😂黑糖珍珠奶茶（$28）整体份量比较少 珍珠比较lum但数量都多既 奶味系够既 $28 性价比唔太高 试一次就够了😂买完先发现有学生优惠😂😂～～～～～～～～～～～～～～～～～～～
继续阅读