莆田 (美麗華廣場2期) (已結業)

今日難得放假陪呀媽行街，喺美麗華食lunch, 為左照顧佢嘅口味，當然係食中菜就最啱，見到呢間米芝蓮推薦福建菜，一於帶呀媽試下～坐低歎返壺茶先～難得前菜唔係花生咁簡單，係煮過嘅眉豆同埋蠶豆，好特別！-酥炒芋芯唔好以為芋頭好普通，一食落口就覺得好有驚喜！只採用芋頭芯的部分，再以傳统方法炒制。整出來外酥內軟，微鹹，又有少許甜味，好有家鄉風味～-蝦苗拌頭水紫菜呢個作為開胃前菜非常適合，菜苗相當鮮嫩，水紫菜食落好似海帶，以酸酸的醬汁辟腥，好開胃～-百秒黃花魚長輩們最愛吃的蒸魚出場了！本來我們在家就喜歡蒸魚吃，而黃花魚骨頭少、肉又多，只要條魚新鮮，唔需要重調味都已經好好味，好鮮甜的食物原味～-莆田滷麵出名的招牌菜呢款滷麵的配料是大量海鮮，成個湯底都係濃濃的海鮮甜味，麵的質感偏軟，湯底濃郁，食落有Ｄ似粉仔果種口感，超推薦，個人認為必食！-紅菇炆豆皮呢個係季節限定食品－－紅菇，非常特別因為呢種植物的生長時間好短，又唔可以人工培植，是真正的限量品，趁住呢個季節一定要試啦～個湯偏紅色，係天然色素來，味道有種馥郁的中藥香，干貝、蟶子乾、蝦干配上紅菇，更加鮮甜可口，加上吸湯的豆腐和豆皮，啖啖都是紅菇的香味，