莆田 (美麗華廣場2期) (已結業)

經過美麗華，見到莆田推介著扁肉湯，裡面是細細粒的餃子似的，諗住媽媽都會喜歡食。而且裡面環境都好乾淨，而又係米芝蓮一星，就去試一下。點完餸侍應送上一碟小食，係烤到香脆的紫菜，咬落仲好有紫菜味。傳統扁肉湯見到門口推介著扁肉湯，原來係一碗放了10幾粒細餃的清湯。每粒餃都好細，基本是係食餃皮多過食肉，餃皮好薄又好滑身，連同小量餡料的豬肉一齊食，又真係好味道，10幾20粒都唔夠食。九轉小腸做得好乾淨好香軟的小腸，每粒都睇到又食到當中的層次。百秒黃花魚餐廳指係只用百秒去煮好的黃花魚，所以食落魚肉好滑身。不過黃花魚的骨好細，食的時候要小心點。煮魚的湯都好好味，好鮮甜又唔腥。興化米粉超推介，米粉幼身過一般食得到的那種，所以食落口感很好。因為超幼，所以好軟身但又唔係好淋個種，加埋冬菇、肉絲、蝦球等配料炒成，再配上莆田的辣醬，味道超好。風味松鼠魚很喜歡點這個菜，魚先就炸到香脆，然後再淋上酸甜醬，食落又香口又開胃。松鼠魚炸得岩岩好，就連魚皮，魚尾同魚鰭的位置都可以乾脆地咬開。挾開魚肉都好大好厚身，又香口又鮮味。