尚海人家 (宏基商業大廈)

营业中

休息中

喺上環既呢一間外賣小店，店舖唔算好大，但入面五臟俱全。餐廳有唔同嘅套餐，主打爆汁嘅生煎包，出餐時間都好快，如果喺附近返工食lunch，叫佢哋外賣真係好方便。皇牌四色生煎包 $72（招牌+黑松露+爆汁瀨尿蝦+蟹皇味）因為見到佢哋嘅生煎包最出名，而呢一個王牌有四個唔同嘅味道，所以就諗住試一試有咩咁特別。各樣味道都好突出到佢哋嘅特色，而其中一樣共通點，就係非常爆汁，同埋一定要熱辣辣即刻食，因為個皮會好脆。配埋佢提供嘅米醋，有種食緊小籠包嘅感覺，但係個皮就脆啲同埋口感豐富啲。人氣熱賣王牌套餐S2 麻醬手撕雞絲粉皮+生煎包2隻 $56另外叫咗佢哋嘅套餐，雞絲粉皮份量好多，食完一碗幾乎已經飽晒，再加埋兩個生煎包就啱啱好。麻醬味道好濃郁，而且佢哋嘅雞絲粉皮有少少爽同軟腍嘅混合，而且控制時間啱啱好，唔會變咗一pat。