玄鮨 (已結業)

< 玄鮨 > 📍銅鑼灣玄鮨呢個名對有關注開香港日本餐廳既食客一定唔會陌生，掛住米芝蓮推介既牌頭，自然對佢有好高期望。由於晚市食omakase既消費相對比較高，試個入門版deluxe lunch set先試試個質素先☺️首先入到餐廳已經感受到個服務質素，今次可以安排到坐係bar枱望住師傅既手藝仲可以隨時同師傅交流傾下計。今日天氣啱啱轉涼，想食熱食之餘當然要試下主打既刺身。每道菜式上枱師傅都會簡單介紹下食材，食野之餘都可以知多少少點欣賞野食。Sashimi Set Lunch $560刺身有8款，今次食到既有岩手縣米崎蠔，肥厚多肉，差唔多手掌咁大隻。另外仲有馬糞海膽、牡丹蝦、北海道活赤貝，幾款魚入面特別有平時好少食到刺身既銀雪魚，輕輕燒過之後d魚油好香，魚質好滑👍🏻另外仲有黎自島根縣既藍旗吞拿魚，師傅介紹呢款魚既特點係油脂多，有少少筋，食落去有少少口感之後就慢慢融化🤤相對晚市，午市既刺身都唔會將貨就價，個質素仍然有保證🎖