媽咪雞蛋仔 (已結業)

媽咪雞蛋仔已經連續第五年獲得米芝蓮街頭小食推薦。✋🏻 試過佢哋嘅特色雞蛋仔都知真係真材實料，與眾不同。⁣⁣👆🏻⁣⁣牛油果朱古力雞蛋仔（$35）［好味度：7/10］⁣⁣呢個係秋冬限定嘅雞蛋仔，想食就要趁快啦。❄️ 粒粒嘅雞蛋仔入面都藏住一嚿嘅牛油果同埋朱古力，所以啖啖都有牛油果同朱古力味，真係超級滿足。🥑 而且佢唔係落啲粉咁嘅人工味道，而係可以見到實實在在嘅材料，所以真係值得呢個一試。⁣⁣😉⁣⁣抹茶紅豆雞蛋仔（$29）［好味度：7.5/10］⁣⁣冇咁鍾意食甜嘅朋友就可以試下呢款抹茶紅豆雞蛋仔嘞。😗 同樣亦都係真材實料，入面都都有粒粒嘅紅豆。😍 而且佢唔太甜，帶出抹茶嗰種輕微嘅甘甜味。🍵 而且感覺抹茶嘅味道都好真。😆 雞蛋仔外層鬆脆而且內層鬆軟嘅基本亦都係佢做到嘅基本。⁣⁣👍🏻⁣⁣特濃朱古力冰沙（$33）［好味度：8/10］⁣⁣除咗有做雞蛋仔之外，亦都有特調飲品賣。🥤 連埋雞蛋仔嘅套餐就可以減4蚊。😚 呢款特濃朱古力冰沙真係超濃嘅朱古力味。🍫 而且亦都唔會有冰沙常見冰同埋味道分隔嘅問題。😗 入面亦都有啲碎朱古力皮，真係可以拍得住大型咖啡連鎖店嘅水準。⁣⁣🤫