影片
更多
2021-10-15
294 浏览
🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽-雖然價錢比起一般印度餐廳稍貴，但而家Openrice唔同時段訂座都有單點餐牌65折至8折嘅優惠，以Gaylord嘅食物質素同環境嚟講真心好抵食😻。成餐飯都食得好舒服，感覺都幾乾淨，唔會好迫或者好嘈，都幾啱一大班人聚會。慶祝生日仲唔收切餅費，仲好貼心咁送埋煙花蠟燭🎂！-🥢 Avocado Mango Dahi Poori 牛油果芒果伴脆麵餅 (6pcs) $98 🆙-Pani Puri係印度一種好普遍嘅街頭小食，外型係個空心酥脆嘅油炸球，入面通常會塞滿薯仔、洋蔥等配料再配上薄荷酸醬，基本上香港每間印度餐廳都一定有得食😼。而Dahi Puri係香港真係比較少見，佢嘅分別就係會係Pani Puri上面淋上乳酪同酸辣嘅香料，再撒上少少Sev(脆麵)係面頭。-Gaylord嘅Dahi Puri就更加特別，入面除咗薯仔之外仲落咗牛油果同莎莎醬，面頭淋咗芒果同乳酪，食落完全唔會好油，反而Creamy得嚟好清新😍！-🥢 Tacos Time 印度夾餅 (w/ crab fillings 配蟹肉餡料) (4pcs) $138 🆗-Taco嘅餅皮用咗Roti，薄得嚟好軟
-
雖然價錢比起一般印度餐廳稍貴，但而家Openrice唔同時段訂座都有單點餐牌65折至8折嘅優惠，以Gaylord嘅食物質素同環境嚟講真心好抵食😻。成餐飯都食得好舒服，感覺都幾乾淨，唔會好迫或者好嘈，都幾啱一大班人聚會。慶祝生日仲唔收切餅費，仲好貼心咁送埋煙花蠟燭🎂！
-
🥢 Avocado Mango Dahi Poori 牛油果芒果伴脆麵餅 (6pcs) $98 🆙
-
Pani Puri係印度一種好普遍嘅街頭小食，外型係個空心酥脆嘅油炸球，入面通常會塞滿薯仔、洋蔥等配料再配上薄荷酸醬，基本上香港每間印度餐廳都一定有得食😼。而Dahi Puri係香港真係比較少見，佢嘅分別就係會係Pani Puri上面淋上乳酪同酸辣嘅香料，再撒上少少Sev(脆麵)係面頭。
-
Gaylord嘅Dahi Puri就更加特別，入面除咗薯仔之外仲落咗牛油果同莎莎醬，面頭淋咗芒果同乳酪，食落完全唔會好油，反而Creamy得嚟好清新😍！
-
🥢 Tacos Time 印度夾餅 (w/ crab fillings 配蟹肉餡料) (4pcs) $138 🆗
-
Taco嘅餅皮用咗Roti，薄得嚟好軟熟，口感比較實，食落同一般Tortilla無咩分別🌮。餡料好重香料味，唔係好食得出係蟹肉。除咗配蟹肉之外，Taco仲可以配芝士餡🧀～
-
-
🥢 Paneer Tikka 印式烤芝士(4pcs) $138 🆗
-
Paneer係用炭烤，質感比較鞋身，唔重奶味，食落有少少辣🤭。
-
-
🥢 Paneer Pakora 酥炸芝士 $108 🆗
-
外皮炸得幾脆，但入面嘅芝士唔係太軟糯，反而有啲乾,同炭烤嘅質感差唔多👀，有咗層外皮就更加似麥樂雞🐔。
-
-
🥢 Cheese Truffle Naan 松露芝士烤餅 $55 🆗
-
相入面嘅Naan已經係兩份嚟～本身諗緊點解咁少，但一拎先發現啲Naan好似源源不絕咁，食極都仲有🤣。
-
雖然搵唔到芝士嘅蹤影，亦都食唔出有芝士味，但黑松露真係落得超級重手，食落好香🍄！但比起普通Naan真係油好多，面頭個幾塊都唔覺，但下面個啲油到好明顯有層油係上面😹。
-
-
🥢 Lamb Korma 腰果蓉紅花羊肉 $158 🆙
-
Korma係一種北印度嘅咖喱，特色係通常會用乳酪或者忌廉燉煮肉類或者蔬菜，口感非常溫和易入口，好啱配雞肉同羊肉。
-
Gaylord嘅Korma另外再加埋打融咗嘅罌粟籽腰果蓉同蕃紅花，所以好重堅果香同埋甜甜地😙。羊肉無乜羶味但略嫌佢切得太細粒。另外會送一兜Roti/Naan配咖喱食😼。
-
-
🥢 Truffle Spinach Kofta 松露菠菜芝士球 (4pcs) $138 🆙
-
基本上就係加咗菠菜同黑松露嘅Malai Kofta；薯仔芝士波口感綿柔軟滑，食落幾彈牙嘅，菠菜咖喱配Flatbread都相當好食😻！
-
-
🥢 Tandoori Mixed Grill 精選雜錦燒烤 $328 🆖
-
成餐飯唯一唔推薦嘅菜式😂，雖然好食但性價比真係太太太低。總共有1隻蝦，4嚿烤雞，1嚿烤魚同埋一條腸👀。
-
-
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 8/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8.5/10
整體 𝗢𝘃𝗲𝗿𝗮𝗹𝗹 8/10
-
🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽
张贴
