Upper Modern Bistro (已結業)

又係dining week搵食飯團時間！響芸芸眾多選擇當中，一開始已經俾upper modern bistro既裝修吸引左，見星期六有位即刻book佢既lunch tasting menu試下。餐廳位於‪上環差館上街‬，地鐵站行上去十分鐘左右就到，其實果頭附近都好多新派小店，想用合理價錢又唔想去連鎖式集團既話，都有好多選擇。餐廳由米芝蓮主廚Philippe Orrico打理，品質保證。Tasting menu有三道菜式，每道菜亦有不同選擇，梗係揀足六款去試多啲啦。頭盤鵝肝醬麵包同分子溫泉蛋賣相一流，味道亦係一流！主菜意粉同risotto都係用黑松露配襯，雖然落左好多，但就冇一般黑松露果陣好濃烈既味道，連一向唔太好黑松露既另一半都話讚！甜品就都係紅桑子為主，個賣相亦係打卡之選。總括而言十分滿意，下次dining week可以再encore！